<$BlogRSDUrl$>

föstudagur, janúar 30, 2004

Well that's a relief, you're only a Sadistic Bastard
'Sadistic Bastard' PLEASE VOTE!!!


What Type of Lunatic are You?
brought to you by Quizilla

Já, þetta próf tók ég í dag, þar sem ég hafði nóg að gera...
Er þetta ekki ég í hnotskurn alveg hreint barasta jú það held ég nú. Eða hvað?

sunnudagur, janúar 25, 2004

Jæja, núna er helgin búin, og ballið líka.

Ballið var rosalegt stuð, eitt af þeim skemmtilegustu sem MR hefur haldið, þó að það var alls ekkert Palli sem spilaði, heldur Gullfoss og Geysir. Þeir stóðu sig nú alveg prýðilega, nema þeir spiluðu kannski aðeins of mikið rapp, og telst það nú ekki sérstaklega góð dans-tónlist...

Helgin var líka voða þæg og góð, á föstudagskvöldið var ég hjá Sigrúnu, þar vorum við bara að horfa á sjónvarpið, borða konfekt, tölvast, og lesa bæði gelgjublöð og blað sem heitir bara Q, og var það hin ágætasta skemmtun. Og ég hjólaði bæði til hennar og heim aftur. Þessi endalausi dugnaður í mér...
Svo fór laugardagurinn í að læra, og um kvöldið fór fjölskyldan til frænku minnar og þaðan fórum við Katla og Malena upp í Hlíðar. Ég fór til Jósa en Katla og Malena fóru til Völu, og þar voru Kolli og Sölvi líka, og svo seinna um kvöldið hittumst við öll í sjoppunni og fórum svo til Völu. Þess má geta að Vala tók nokkrar myndir.
Og í dag hef ég voða lítið verið að gera, læra bara smá frönsku og svona, og svo fengum við okkur Subway í kvöldmat, og gladdi það mig mjög mikið. Svo ætla ég að horfa á myndina 8 femmes í kvöld, það verður nú mikil skemmtun.

Og já það er frönskupróf á morgun...ég held ekki að ég kunni þetta nógu vel. Fokk fokk og ríða. En hey, c'est la vie!

Lag helgarinnar er Bring your daughter to the slaughter með Iron Maiden, það er frábært!

Svo ætla ég að setja inn þessa mynd af kúlistunum í Pink Floyd, eins og sumir kannski vita þá hef ég hlustað mikið á diskinn The Wall með þeim undanfarið.



miðvikudagur, janúar 21, 2004

Jæja, núna skrifa ég aftur fyrst að ég hef verið beðin um það nokkrum sinnum núna undanfarið...og vil ég tileinka þetta blogg henni Völu.
En málið er að ég hef svo lítið að skrifa um! Hvað gera bændur þá? Jú, þeir bulla! Hér kemur það:

Dagurinn í dag var alveg ágætur fannst mér, líka gærdagurinn, veit samt ekki alveg af hverju...
Reyndar var ræðukeppnin í dag, og ég, Malena, Rútur og Tommi vorum að horfa á stelpurnar úr 3.D grilla þessa 4. bekkinga....JEAH! Svo verður morgundagurinn mikið stuð, því þá verður þetta Pál Óskars-ball á Nasa, og eins og flestir vita þá er Palli snillingur með góðan tónlistarsmekk!!!! Allavega svona góðan ball-tónlistarsmekk, og vil ég nefna sem dæmi Busaballið.
Svo eftir það er bara helgin (reyndar eftir skólann auðvitað, sem m.a býður upp á tvöfaldan stærðfræðitíma) og þá mun pottþétt gerast eitthvað rosalegt...

Jæja, hvað á ég núna að bulla um meira? Það fyrsta sem mér dettur í hug er Johnny Depp. Kannski út af því að ég horfði á From Hell og Sleepy Hollow fyrir ekkert það löngu. Og plakatið mitt með honum hangir hérna beint á móti mér eiginlega...
Um hann get ég sagt að hann er frábær, hann er svo góður leikari og svo leeeeeekur kynþokkinn af honum!! Sleepy Hollow og Pirates of the Caribbean eru án efa tvær af uppáhaldsmyndunum mínum. Hann leikur bara svo vel í þeim að maður næstum missir sig. Ég verð að eignast þessar myndir! Svo er Edward Scissorhands líka æðisleg, en hana á ég.
Jæja, þetta er víst orðið nógu súrt, og mér dettur ekkert í hug sem að getur bjargað þessari færslu.

Þannig að ég kveð ykkur í bili með mynd af kappanum.
Og nú skulum við stelpur vera duglegar við að lofa hann og prísa. En strákarnir mega náttúrulega líka tjá sig ef þeir vilja...



miðvikudagur, janúar 14, 2004

Gaaavuuuuð ég er búin að skreyta síðuna mína svo fagurlega...allavega er þessi undurfagra Rocky Horror mynd komin, og þakka ég Jósa fyrir það.
Svo lét ég svona fagra texta hjá öllum í linkalistanum mínum. Ooooooog svo er ég búin að fá svona sérhannað kommentakerfi. Og ég vil þakka henni Sigrúnu Guðmundsdóttur æðislega fyrir hjálpina með það, hún var svo yndisleg að láta myndina inn fyrir mig og svona. Takk takk takk :D

Það sem er liðið af þessari viku er bara búið að vera voða fínt, við Sigrún, Aldís, Malena, Rútur og Jósi fórum upp í Kringlu á mánudaginn, þar leigðu strákarnir hjólastól, við keyptum okkur mat og vorum bara að spassast. Ætlum svo að gera þetta aftur með myndavél við tækifæri ;)

Svo fór ég aftur í Kringluna í dag, og keypti mér alveg slatta af nýju dóti. Kannski er þetta rétt hjá honum Tomma, við (eða allavega hluti af okkur bekkjarsystkinunum) erum alltaf í Kringlunni :P

En vá ég var að hlusta á svo góðan disk áðan!! Það er diskur með The Kinks, og held ég að diskurinn heiti bara það.
Þannig að núna ætla ég að láta inn mynd af þessari frábæru hljómsveit og mæla með þrem rosalegum stemmurum af þessum disk.

Stemmari 1: Dedicated follower of fashion
Stemmari 2: Apeman
Stemmari 3: Lola



sunnudagur, janúar 11, 2004

Jæja, núna er fyrsta skólavikan liðin og númer tvö að fara að byrja.
Þetta er bara búið að vera ágætt, nema mér finnst stærðfræðin sem við erum að gera núna vera allt of tilgangslaus! En svona er þetta víst...

Helgin er búin að vera voða fín hjá mér, á föstudaginn fór ég til Sigrúnar að horfa á Idol, það var rosa mikið stuð. Ég meira að segja gerðist djörf og hjólaði til hennar, sem að er alla leiðina frá Vesturbænum upp í Suðurhlíðar. Og á leiðinni fór að snjóa, þannig að ég var í lífshættu. Og á leiðinni til baka var ennþá meiri snjór, og ég fann upp nýja íþróttagrein, sem ég ætla að kalla hjóla-ballet...því það var hálka. En þetta er alls ekki spennandi þannig að ég held bara áfram með eitthvað annað.
Í gær var svo samkoma hjá okkur Kötlu, því við vorum einar heima. Þar voru Signý, Jósi, Vala, Sigrún, Fura, Sölvi, Saga, Malena og Aldís stödd. Við pöntuðum okkur pizzur og tókum tvær gæða-myndir, og hétu þær Deep Rising og Dreamcatcher. Þessar myndir eru svo mikill sori að ég hef aldrei séð annað eins! En það var samt gaman, og pizzasendilinn var sætur ;)
Og Vala og Aldís tóku báðar slatta af myndum, þær koma seinna á þeirra síðum býst ég nú við.
Svo gisti Sigrún hjá mér, og Vala hjá Kötlu, og við fjórar vorum bara að rotna eitthvað í dag þangað til að við ákváðum að fara á Subway. Það gerðum við svo, og fórum svo bara aftur hingað heim. Svo fóru stelpurnar stuttu seinna. Þetta var nú aldeilis skemmtilegt!

Svo að þetta blogg deyji ekki alveg, þá ætla ég að láta hérna inn eina fagra mynd af bestu hljómsveit í heimi! Þessi hljómsveit heitir auðvitað Queen, ef að nokkur skyldi efast um það...



Svo eru lög dagsins lagið It's a hard life með meisturunum sjálfum (Queen þá), og lagið Dead ringer for love með hinum æðislega Meatloaf. Mæli ég með því að fólk hlusti á þessi lög.

sunnudagur, janúar 04, 2004

Gleðilegt ár mínir kæru lesendur!

Þar sem ég er búin að segja þetta get ég byrjað.
Gamlárskvöldið var hið fí­nasta stuð, fyrst vara bara matur með fjölskyldunni, og svo fórum við upp að Hallgrí­mskirkju til að horfa á flugeldana. Við Katla drifum okkur samt beint eftir það að finna hana Önnu Björt og þegar það var búið fórum við til hennar, þar sem að við redduðum okkur fari upp í­ Hlíðar. Við fórum til Völu, og þaðan var haldið til hans Brynjars, þar var nebbla partí­. Í byrjun var þetta mikið stuð, en svo fór húsið að fyllast og skandalarnir að gerast. Á endanum var svo farið að henda fólki út, og það var orðið því­lí­kt götupartí úti. Svo komu foreldrarnir heim og ráku alla burt.
Þá fóru ég, Sölvi, Aldí­s og Vala til Jósa og við stelpurnar lögðumst bara upp í­ rúm og vorum voða dauðar og þreyttar. Ég og Sölvi skemmtum okkur samt konunglega því­ að við vorum að svefngalsast yfir kærleiksbangsa sem að við bjuggum til, og hann heitir Jósi.
Seinna kom svo Katla, og við systurnar og Aldí­s og Sölvi tókum leigubí­l heim.

Annars er það sem er liðið af árinu ekkert búið að vera það viðburðarrí­kt, nema 2. janúar þá fóru ég, Vala og Sigrún til Furu, sem jú varð 17 ára daginn eftir.
Það var allt of mikið af mat þarna, við átum yfir okkur af nachos, snickersnammi, nóakroppi, kúlusúkki, gúmmí­ og lakkrí­s. Á meðan við gerðum þetta horfðum við á Idol og eftir það á Clockwork Orange. Sú mynd er virklega mikil sýra, hef séð betri myndir sko...

Á morgun byrjar svo skólinn, það finnst mér ekki fallegt. En ég og Sigrún fundum gegt mikið kætingarráð, við plönuðum ferð til útlanda, þar sem fallegir menn með 8-pack og í­ bleikum sundskýlum mundu dekra við okkur. Ákváðum við að þeir ættu að heita Julio, Filippo, Xavier, Marco, Valek og Lestat. Þótt að Valek og Lestat eru vampí­rur, þá mega þeir alveg fá að dekra við okkur lí­ka mundi ég nú segja. Og þeir mundu í sífellu vera að kynna sig með spænskum hreim ("I am Filippo"), alveg eins og hann Marco sem að við Fura hittum í­ sumarfrí­inu. Marco var snilld! En þetta er ví­st alveg orðið bráðgott hjá mér held ég.

Í dag komst ég að því­ að ég var soldið þunglynd, og þá allt í einu fór tölvan mí­n að spila Thoughtless með Korn, og verð ég hér að gefa því­ titilinn "þunglyndisafléttandi lag 2004". Þunglyndið sogast allt inn í þetta lag þegar maður hlustar á það. Hins vegar er lagið I remember you með Skid Row alveg rosalega fallegt lag, var að hlusta á það áðan og varð rosa djollí­ :D

Ég ákvað að birta þessa mynd því að hún er falleg. Og raddirnar sögðu mér að gera það!
En núna fara Vala, Sölvi og Sigrún örugglega bráðum að koma, best að gera sig klára.

This page is powered by Blogger. Isn't yours?